Grischun - Pliras votaziuns en Grischun per gieus olimpics 2026
Il chantun Grischun vul duas votaziuns en connex cun ils gieus olimpics 2026. L’emprima votaziun è previsa l’emprima mesadad dal proxim onn, uschia il directur d’economia Jon Domenic Parolini. Lura vai per la dumonda dal credit da candidatura.
En la segunda votaziun vai per il project sco tal – quella datti dentant be tar in «Gea» en l’emprima votaziun. Sper quai penda tut anc vid il Cussegl grond, sche lez di «Na» al messadi da la regenza è il project «Gieus olimpics 2026 en il Grischun» mort.
Ils 03.03.2013 aveva il suveran grischun detg «Na» cun 52,6% da las vuschs al project da gieus olimpics 2022 en il Grischun. Lura gieva quai per la creaziun da reservas da 300 milliuns francs davart dal chantun Grischun.
