La gasetta «La Quotidiana» era avant dus onns sin la cupitga: La chasa editura Somedia aveva stritgà il sustegn finanzial ed aveva smanatschà da serrar la gasetta – auter che sch'insatgi auter surpigliass en l'avegnir il deficit. La stampa rumantscha ha sin quai stuì s'inventar nov: Il glindesdì è vegnì suttascritta la cunvegna dad intenziun «Medias rumantschas 2019», cun la «fundaziun da medias rumantscha FMR» (fin ussa ANR), La Quotidiana, Posta Ladina, Pagina da Surmeir e RTR en la medema bartga. Quai cun l'intenziun da garantir in avegnir schurnalistic rumantsch.
Cumenzar duai l'entir project il cumenzament da l'onn 2020. I dat dentant anc in mantun dumondas avertas. Quellas dumondas discutan Johannes Flury, president da la Lia Rumantscha, e Clau Dermont, copresident da la Pro Svizra Rumantscha. Il discurs moderescha Tobia Valär.
RR actualitad 17:00