Sefi Decurtins da Cuira è dapi 34 onns sepulider. El sa fatschenta betg mo cun ils morts, mabain prepara era cartas da malencurada ni organisescha funerals.
Strusch pli da sepulir in vaschè
A Cuira laschan 85% cremar e mo 15% sepulir. Ed era en il rest dal chantun n’èn las cifras betg bler pli bassas. A Mustér vegnan 3/4 da las baras cremadas, a Scuol ed en Surses schizunt passa 90%.
Il pli savens vegn cremà en il crematori Totengut a Cuira. L’onn 2016 hai dà là radund 1’700 cremaziuns da persunas da l’entir chantun Grischun, dal chantun Son Gagl, da la Vallada dal Rain e dal Principadi da Liechtenstein. A Tavau datti radund 200 cremaziuns ad onn: da persunas da la regiun, da l’Engiadina e da la Val Müstair.
RR actualitad 11:30