Il president en uffizi Curdin Capaul è vegnì reelegì per in'ulteriura perioda da trais onns. Il politicher da la Partida liberaldemocratica ha survegnì 54% da las vuschs. Il pli absolut ha muntà a 413 vuschs, Capaul ha survegnì 448.
Ses contrahent, Ivo Rohrer, da la Partida verd-liberala ha survegnì 368 vuschs, tge che correspunda a 44%. Las ulteriuras vuschs èn idas a diversas persunas.
Curdin Capaul ha 48 onns ed è tranter auter president da l'ospital da Tusaun. Il 2017 era el stà il sulet candidat per il presidi communal da Tusaun. La presidenta da lez temp, Claudia Kleis-Kümin, era sa retratga anticipadamain.
Ils dus candidats
Anfang Bildergalerie
Bildergalerie überspringen
-
Bild 1 von 2. Curdin Capaul dastga restar in'ulteriura perioda en uffizi. Bildquelle: RTR, Federico Belotti.
-
Bild 2 von 2. Ivo Rohrer ha pers il cumbat electoral. Bildquelle: RTR, Federico Belotti.
Ende der Bildergalerie
Zurück zum Anfang der Bildergalerie.
Sper il president en uffizi è er l'entira suprastanza communala vegnida reelegida.