La fatscha dal mainafatschenta da las pendicularas Spleia Tambo, Hacher Bernet, splendura bunamain uschè ferm sco il sulegl al tschiel blau. Las pistas èn finalmain alvas ed i marscha puspè insatge en il territori da skis. Els hajan pudì far naiv, preparar las pistas e tuts sajan cuntents ch'ils runals èn puspè en funcziun, di Hacher Bernet.
El saja er cuntent ch'ins haja almain pudì laschar avert il territori sur Nadal e Bumaun. La decisiun da serrar il territori ils dus da schaner saja stada fitg emoziunala per el sco mainafatschenta mo er per tut ils impiegads ed er per la populaziun.
Per nus è Spleia sco in segund da chasa e nus essan fitg cuntents che pudain puspè ir sin pista.
Las pistas sajan bunas, din quels e quellas ch'en sin tura la sonda e tuts èn cuntents ch'in po finalmain puspè ir cun skis a Spleia. Er ils osps paran dad esser cuntents.
Las pistas èn preparadas fitg bain, qua han els propi fatg ina super lavur!
Tambo Spleia
-
Bild 1 von 3Legenda: Finalmain èn las pistas alvas. RTR, Giana Maria Cantieni -
Bild 2 von 3Legenda: Naginas grondas colonas tar il runal. RTR, Giana Maria Cantieni
-
Bild 3 von 3Legenda: Tar la staziun sisum. RTR, Giana Maria Cantieni