Tavau - Er Tavau sustegna il project «Landwasserwelt»

Cun questa decisiun han tut las vischnancas dumandadas ditg gea, vul dir era Ferrera/Schitten, Bravuogn Filisur ed Albula/Alvra. Ordavant aveva gia la suprastanza da Tavau decidì en chaussa. Il project haja in potenzial d’economia publica e turistic ch’i valia da sustegnair. En temps difficils per l’economia turistica porschian tals projects cun divers partenaris in gronda schanza.

Investiziuns da passa 11 milliuns francs

En l’entir project duain vegnir investids 11,6 milliuns francs. La Viafier retica che n’ha betg anc decidì davart il credit duess sa participar cun 4,3 milliuns francs. Il chantun duai pajar 2,7 milliuns francs e privats e terz 2,9 milliuns francs. Il rest vegn purtà da las vischnancas ch’han tuttas ditg gea al project. Da la partida èn Tavau, Ferrera/Schitten, Bravuogn Filisur ed Albula/Alvra. Quest atun vegnan la Viafier retica ed il chantun a decider davart lur investiziuns.

Bleras attracziuns

Planisadas èn differentas attracziuns, sper e da manaivel dals binaris da la Viafier retica. Cun agid da lavuratoris èsi vegnì analisà ils ultims dus onns las purschidas che fissan pussaivlas da realisar. Planisà è tranter auter in tren pendulari cun fermadas dasperas il viaduct, aventuras sin in bain puril u er in viadi da sugas tras las tschimas da las plantas. L'aventura duess vegnir averta il 2023.

Bildergalerie