Surses - Riva umida da l’Alp Curtegns vegn reactivada

Il perimeter dal project cumpiglia ina lunghezza da 2000 meters da l’Ava da Nandro, igl è ina riva umida da muntada naziunala. En il sectur da las ognas han ins stuì intervegnir ils ultims onns adina puspè en moda maschinala suenter eveniments da precipitaziuns, è vegnì infurmà. Ussa duai la grondezza oriunda da la riva umida puspè star a disposiziun l'Ava da Nandro.

La punt ch’è il mument accessibla era per vehichels pli gronds, vegn demontada. Da nov datti mo pli ina punt per peduns e velocipedists. Quella è pero pli auta e pli lunga che l’actuala, per dar dapli spazi a la natira. Per il traffic cun autos e vehichels agriculs datti en l’avegnir la pussaivladad da nizzegiar la Punt Pajer.

Chantun e Confederaziun pajan il pli bler 

Ils custs totals per reactivar l'Aua da l'Alp Curtegns importan var 2,7 milliuns francs. La Confederaziun ed il chantun sa participeschan cun 62%, la vischnanca da Surses paja 20% e la corporaziun d’alp duess sa participar cun 5%, il contract n’è betg anc vegnì suttascrit. Il nature star-fondo da las Ovras electricas da Turitg paja 13%.