Legenda:
Da nov infurmescha il chantun activ davart animals da rapina gronds ch'èn vegnids vis u han stgarpà animals. La cifra qua n'è però betg anc sin il stan actual - en tut èn set nursas crappadas.
gr.ch
cuntegn
Surses - Luf ha stgarpà set nursas
Sin in’alp al Piz Toissa datiers da Ziteil èn vegnidas stgarpadas nursas la notg da glindesdi sin mardi da quest'emna. Duas nursas sajan crappadas immediat, quatter nursas feridas haja il guardiaselvaschina stuì cuppar, ed ier hajan ins chattà anc ina setavla nursa crappada.
Nus avain fatg in'analisa da ADN, e nus quintain ch’igl è in dals singuls lufs che gira forsa gia plirs onns en il Grischun Central e quest onn avain nus constatà che dus fin trais lufs èn en gir.
Las nursas na sajan betg stadas protegidas cun ina saiv electrica, ed era in chaun da protecziun na devi tenor Arquint nagin. Era sch’il stgarp dal luf da quest’emna saja l’emprim en il Surses da quest onn, saja il mument en l’entir chantun da quintar cun lufs che attatgan muntaneras da nursas.
