-
Bild 1 von 5Legenda: Il taxi da naiv è in'aventura per grond e pitschen. mad -
Bild 2 von 5Legenda: Silvio Quinter e Karin Hauser da Turitg èn clients fidaivels dal servetsch da taxi. RTR, Federico Belotti
-
Bild 3 von 5Legenda: Claudio Dedual spetga sin ils clients d'ina chasa da vacanzas da Radons. RTR, Federico Belotti
-
Bild 4 von 5Legenda: Claudio Dedual cun sia Dunna Carmen Dedual che gida era ora en il manaschi da taxi cun schlieusa. RTR; Federico Belotti
-
Bild 5 von 5Legenda: Il taxi fa era blers transports da rauba. mad
Dapi l’onn 2003 fa Claudio Dedual transports tranter Tigignas e Radons. Quests transports èn impurtants per Radons, perquai che dapi che la pendiculara Savognin – Malmigiucr – Radons è vegnida demontada, è Radons betg pli cuntanschibel uschè bain.
Il Snowliner public è en il fratemp istorgia, ed il bus public che cursescha a Radons sto mintgatant vegnir annullà pervi da privel da lavinas e per quels ch’han bagascha resta uschia mo il taxi a tschinta da Claudio Dedual. In servetsch che vegn stimà.
Uffants tramettan maletgs
Tenor Claudio Dedual possia el oz manar l’affar cun in pitschen gudogn, pli baud n’era quai betg pussaivel, ha el ditg. Vi da la lavur cun ses taxi da naiv appreziescha el surtut ils contacts cun la glieud, surtut uffants hajan mintgamai fitg grond plaschair. Savens tramettian els ad el maletgs ch’els han fatg da ses töf da naiv.
RTR actualitad 07:00