Legenda:
Da san.: Tanja Amacher, directura Savognin Turissem, Carlo Uffer, ustier La Scuntrada, Martina Lanz, usteira Hotel Post Bivio, Claudio Dedual, taxist da la schlieusa a motor, Steffi Buchli, moderatura da la Partenza 2019.
RTR, Federico Belotti
cuntegn
Turissem - L'hotel Post Bivio è il victur da la «gutta turistica»
L'hotel Post da Bivio gudogna la «gutta turistica» dal 2019 da Savognin Bivio Alvra Turissem. Il premi è dotà cun 5'000 francs. Quel vegn surdà mintg’onn en il rom da l’occurrenza Partenza d’enviern, nua ch’i vegn infurmà davart la stagiun che cumenza.
Sco quai che l’ustiera da l'hotel Post da Bivio ha ditg durant la surdada, vegnia ella a parter il gudogn cun ses persunal. Il segund premi ch’è dotà cun 2'500 francs va a Claudio Dedual, che maina taxi cun schlieusa a motor en il territori da skis a Savognin. Il terz plaz en la valur da 1'250 francs va a l’ustaria La Scuntrada a Tinizong, che vegn manà da Lorraine Meier e Carlo Uffer.
L’uschenumnà «Tourismusnagel»vegn surdà a manaschis ch’han survegnì almain 100 valitaziuns da giasts ed indigens. L’occurenza Partenza d’enviern ha lieu mintgamai mez december.
