Anc fin la fin da zercladur pon interessentas ed interessents s’annunziar per prender a fittanza l’ustaria. Sco quai che Stefan Steiner, il manader da svilup da la vischnanca Surses ha ditg, veglian ins embellir l’areal enturn la plazza da tennis (l’enviern in glatsch artifizial). Ins pondereschia da far ina plazza da giugar, autras ideas sajan d’installar urdains da fitness en il liber, u da porscher anc dapli.
Avert era la stad
Uschia duai La Nars daventar attractiva era la stad. Il giavisch saja d’avrir l’ustaria ch’è dasper il pitschen runal da skis mintgamai l’enviern e la stad durant ils mais zercladur fin october. Cun l’anteriur fittadin, il Hotel Piz Mitgel, deva quai in contract temporar fin la fin da la stagiun d’enviern.
Betg tut è ì tenor plan
En las lingias grassas era l’ustaria La Nars vegnida la stad dal 2022. La radunanza communala da Surses aveva refusà in credit supplementar per construir l’ustaria. Il project è entant vegnì redimensiunà e dapi l’enviern passà è l’ustaria stada averta per l’emprima giada.
