Ina gruppa da persunas aveva crititgà che las reglas da la lescha da segundas abitaziuns na vegnia betg resguardada. Er la lescha communala da bajegiar, na saja betg vegnida tegnida en en tut ils puncts. La dretgira administrativa ha refusà questas reproschas.
Quai sè da leger en la sentenzia da la fin da november, ch'è vegnida publitgada quest'emna. Mo il concept da traffic e canera stoppia la vischnanca anc ina giada surlavurar. La vischnanca da Surses haja incumbensà ina nova firma per reglar l’access tar l’hotel.
450 letgs, 80 abitaziuns
Circa 450 letgs en 80 abitaziuns, vul la firma Resalpina construir sur il Lai Barnagn. Sco che la Resalpina ha ditg envers RTR, veglia ella anc adina realisar il project. E quai independent, sch’il project vischin dal hotel da Mövenpick vegnia er realisà u betg.