-
Bild 1 von 3Legenda: La furnaria Casparin a Savognin daventa pli gronda. RTR, Federico Belotti -
Bild 2 von 3Legenda: La filiala da la furnaria Stgier a Savognin avra la furnaria Casparin vinavant en la stagiun auta. RTR, Federico Belotti
-
Bild 3 von 3Legenda: Quest logo tutga bainprest tar il passà. RTR, Federico Belotti
Sco quai che las dus furnarias Surmiranas scrivan en ina communicaziun, surpiglia la furnaria Casparin la gronda part dals emploiads. La producziun per tut las filialas vegn fatga a Savognin. Cun lavurar en dus turnus saja pussaivel dad augmentar la capacitad da producziun en la furnaria existenta.
Gia la segunda surpigliada
Heidi e Daniele Forino han surpiglià l’onn 2014 la furnaria Casparin, avant vegniva quella manada da Tona e Silva Casparin. Ussa daventa la furnaria puspè pli gronda. Suenter la surpigliada vegnan a lavurar radund 30 persunas per la furnaria Casparin.
Wagner's surpiglia Cazas
La filiala a Cazas na vegn betg surpigliada da la furnaria Casparin. La filiala a Cazas maina en l'avegnir la furnaria Wagner’s da Tusaun, ha la furnaria confermà envers RTR.