-
Bild 1 von 7Legenda: Il paun da Casti è arrivà en il studio RTR. RTR -
Bild 2 von 7Legenda: Claudio e Sibylla Stgier en butia. RTR, Federico Belotti
-
Bild 3 von 7Legenda: La stizun da la furnaria Stgier. RTR, Federico Belotti
-
Bild 4 von 7Legenda: La furnaria da Claudio Stgier. RTR, Federico Belotti
-
Bild 5 von 7Legenda: Il «paun RTR» è pront per ir en il furn. RTR, Federico Belotti
-
Bild 6 von 7Legenda: Il furner Claudio Stgier en sia furnaria a Casti. RTR, Federico Belotti
-
Bild 7 von 7Legenda: La furnaria Stgier a Casti. RTR, Federico Belotti
Ils Stgiers da Casti fan dapi il 1930 paun, Claudio Stgier en la terza generaziun. Cun buna qualitad e spezialitads regiunalas ha el tgirà la tradiziun da bab e tat. El ha dentant er engrondì pass per pass e filiala per filiala ses manaschi.
Claudio Stgier è dapi las 02:30 en ses manaschi. Durant la damaun ha el fatg differentas sorts paun, paunets e paunins. Per nus ha Claudio Stgier dentant anc fatg in paun spezial. Quai per mussar vi d'in exempel concret tut il process dal far paun. Quest «paun RTR» ha ina furma da triangul – simbolic per las trais grondas regiuns rumantschas, Engiadina / Val Müstair, Grischun Central / Sutselva e la Surselva.
Spelta, furment, seghel
Actualmain ha la furnaria Stgier atgnas filialas a Casti, Savognin, Valbella ed a Lai en in kiosc. En quellas vegnan vendidas var diesch sorts paun. La selecziun na saja aposta betg memia gronda, manegia il furner. Uschiglio surdumondia el ses clients. En il trend è per il mument paun senza gluten. Quai na sappia Claudio Stgier dentant betg producir.
L’interpresa ha radund 20 emploiads. Per garantir il futur dal manaschi è Claudio Stgier gia dapi intgin temp sin la tschertga d’ina successura u in successur che surpigliass ses manaschi. Ma enfin oz n’ha el betg anc gì success cun sia tschertga.
RR actualitad 06:00