Reto Keller vul chalar sco directur da l'ospital Tusaun. El ha dentant ditg da cuntinuar fin che la fundaziun sanadad Grischun central ha chattà ina successiun. Reto Keller è dapi 15 onns directur da l'ospital.
Lantschà program da sanaziun
Sper la midada da persunal ha la fundaziun communitgà ulteriuras midadas. Il cussegl da la fundaziun lantscha in program da sanaziun per megliurar la situaziun finanziala. La fundaziun haja fatg in deficit da radund tschintg milliuns francs. La midada tar il post da directur vegnia pia durant in temp pretensius. Er en il cussegl da la fundaziun ed en la direcziun haja i dà bleras midadas en il davos temp.
Per sanar la fundaziun saja l'anteriur manader da l'ospital chantunal Arnold Bachmann engaschà sco cussegliader. Ils 11 da settember vegni a dar ina scuntrada dal cussegl da la fundaziun cun las vischnancas purtadras.
