Ir en gita sin ina muntogna è per blers il pli bel passatemp. Auters sesan pli gugent en la pendiculara e giaudan il panorama, durant ch'i van meter per meter ensi, uschia per exempel en il territori da Lai.
Ideal saja la cumbinaziun da viandar ed ir cun pendiculara, manegia ina dunna, ch'era la fin d'emna da viadi a Lai. Ir aval cun la gondla saja la remuneraziun per il sforz da chaminar ensi. Partir tar la staziun da val cun la pendiculara saja dentant ina buna motivaziun. Da vesair, nua ch'ins passa pli tard saja ideal per sa motivar e sa legrar sin quai che vegn anc.
