La stanza da scola dad Ida Fravi a Lantsch è ina pitschna stanza. Maximalmain diesch scolars han in pult – en il temp da corona vegnan ils scolars da la pedagoga curativa ad esser pli paucs en stanza.
Ida Fravi ch'instruescha gia 40 onns ha sa fatg ils ultims dis divers patratgs, co che l'instrucziun dad ella vegn a sa midar e co ch'ella vegn a stuair midar sia instrucziun. «Tegnair en la distanza da dus meters vegn ad esser ina sfida» di la scolasta da 62 onns. Ils ultims dis ha ella er fatg divers patratgs co insumma sa confruntar a la nova situaziun.
Nagina tema – ma respect
Per la scolasta che sa legra fitg da puspè vesair ils scolars, èn las scolaras e la situaziun da corona er ina situaziun da sfidas tut particularas. En ses stretg conturn enconuscha ella insatgi ch'ha gì il virus. «Il medem mument resti nagut auter ch'avair fidanza» concluda Ida Fravi.
La fidanza ch'ils experts han raschun ch'ils uffants na surportan betg il virus. Tema saja in schlet cussegliader – il respect saja dentant schon preschent. Ma il pli grond saja il plaschair da puspè avair ils uffants en scola.
-
Bild 1 von 5Legenda: La chasa da scola da Lantsch. Tona Poltera -
Bild 2 von 5Legenda: Ida Fravia sa legra sin ils scolars. Tona Poltera
-
Bild 3 von 5Legenda: Ida Fravi sa prepara per l'instrucziun sco pedagoga curativa en sia stanza da scola. Tona Poltera
-
Bild 4 von 5Legenda: La stanza da scola dad Ida Fravi è pitschna. Tona Poltera
-
Bild 5 von 5Legenda: Alternativa per ina stanza pli gronda – la stanza da sesidas en chasa da scola a Lantsch. Tona Poltera