Per pudair prolungar il contact dal Parc Ela per la fasa dals onns 2022 fin 2031 ston almain quatter da sis vischnancas dir gea al Parc Ela. Ina segunda premissa è ch’il parc ha in perimeter ch’è collià l’in cun l’auter. Gia decidì a favur dal parc ha Tavau, ch’è a l’ur dal parc cun la fracziun da Tagn/Wiesen.
Pli grond parc da la Svizra daventa anc pli grond
Sche tut las vischnancas din gea al parc, lura daventa quel pli grond. En il Surses vegnissan vitiers da nov era Riom-Parsonz e Tinizong-Rona. Las duas vischnancas ch’eran tar l’emprima votaziun betg anc fusiunadas avevan ditg na al parc avant prest diesch onns. La raschun per il na èn stadas temas da betg pudair realisar projects d’infrastructura en il parc.