-
Bild 1 von 3. La scola primara e la scolina a Savognin na correspundan betg pli a las pretensiuns dad ozendi. Bildquelle: RTR, Federico Belotti.
-
Bild 2 von 3. Il suveran da Surses po decider sch'el vul nizzegiar quest prà per construir ina nova scola. Bildquelle: RTR, Federico Belotti.
-
Bild 3 von 3. La scola actuala (blau) ed il lieu alternativ per construir ina nova scola (verd). Bildquelle: mad.
Il suveran da Surses po decider davart duas variantas. La suprastanza communala ed il cussegl da scola proponan da fixar il lieu existent a Grava, sco lieu per il nov bajetg da la scola primara. Sco segunda varianta ha in biro d’architectura da Turitg tschertgà in lieu alternativ per in nov bajetg da scola a Savognin. Venala ed adattada fiss tenor il biro ina parcella dal quartier Bursa, da la vart sanestra da la via dal Güglia en direcziun da Tinizong e visavi da la garascha Carisch.
Tranter 10 e 20 milliuns custa ina nova scola
Per il nov bajetg da scola a Bursa quinta la vischnanca cun in’investiziun da prest 20 milliuns francs. Mo la mesadad, pia 10 milliuns francs, custassi da bajegiar ina nova scola a Grava al lieu da scola existent.
Il suveran decida ils 10 da matg davart las duas variantas. Suenter questa decisiun vegn la suprastanza communala a laschar elavurar in project concret.