-
Bild 1 von 14. L'avust da l'onn proxim è planisada l'avertura dal hotel renovà. Bildquelle: RTR, Federico Belotti.
-
Bild 2 von 14. Robert Lombardini (sanester) cun ses ami Gion Duri Cantieni, ch'è in grond agid quai che pertutga las lavurs da construcziun. Bildquelle: RTR, Federico Belotti.
-
Bild 3 von 14. Quest bajetg annex è nov. Bildquelle: RTR, Federico Belotti.
-
Bild 4 von 14. Qua datti in tschaler da vin. Bildquelle: RTR, Federico Belotti.
-
Bild 5 von 14. Anc datti bler da far. Bildquelle: RTR, Federico Belotti.
-
Bild 6 von 14. Quest bajetg na devi betg avant. Bildquelle: RTR, Federico Belotti.
-
Bild 7 von 14. Il tschaler vegn sigillà per evitar ch'aua entra dal palanschieu. Bildquelle: RTR, Federico Belotti.
-
Bild 8 von 14. Anc è l'hotel cuvert. Bildquelle: RTR, Federico Belotti.
-
Bild 9 von 14. Actualmain marschan las lavurs. Bildquelle: RTR, Federico Belotti.
-
Bild 10 von 14. Quest bajetg annex cun cuschina ed ustaria è vegnì construì da nov. Bildquelle: RTR, Federico Belotti.
-
Bild 11 von 14. Robert Lombardini, il possessur da l'hotel Post ad Andeer. Bildquelle: RTR, Federico Belotti.
-
Bild 12 von 14. Robert Lombardini sco uffant davant il hotel ad Andeer. Bildquelle: mad.
-
Bild 13 von 14. Pietro Giuseppe Lombardini, il tat da Robert Lombardini. Bildquelle: mad.
-
Bild 14 von 14. Pietro Giuseppe Lombardini, il tat da Robert Lombardini. Bildquelle: mad.
Las lavurs s’avanzian bain, ha Robert Lombardini ditg durant ina visita dal plazzal. Ina gronda sfida sajan stads ils palantschieus. Quels sajan vegnids disfatgs dal tuttafatg e sajan vegnids remplazzads entras palantschieus da betun. Cunquai ch’ils mirs da l'hotel restan ils originals, haja duvrà diversas mesiras per stabilisar quels. Ina giada hajan ins schizunt pensà, ch’ins stoppia rumper giu las lavurs, uschia Lombardini envers RTR. Per el saja impurtant da far ina renovaziun da l'hotel e da betg sdrappar giu il bajetg, per mantegnair il relasch da ses tat.
Anc chattà nagin ustier
Actualmain è scritta or la plazza per chattar in ustier. Sco quai che Robert Lombardini ha ditg, na dettia per il mument deplorablamain nagina annunzia d’ina Grischuna u in Grischun ed era haja el quintà cun dapli annunzias. Per far pli attractiva la plazza d’ustier ha il possessur da l'hotel Post decidì dad incassar nagin affit durant ils emprims 18 mais dal contract da fittanza da l'hotel.
Avertura la stad 2021
L'hotel che duai vegnir avert l’avust da l’auter onn duai avair trais stailas plus, 8 chombras dublas e duas suitas per famiglias. I dat duas stanzas da mangiar sco er in grond tschaler da vin.