Siglir tar il cuntegn

Header

Survista video Survista audio

cuntegn

Grono/Bravuogn Locomotiva dal 1958 per museum da viafier

Ina da las davosas locomotivas da l’anteriura viafier Bellinzona – Mesocco vegn spendrada. La BDe 4/4 491 ch’è stada en servetsch per la Viafier retica e suenter per la viafier d’excursiun Ferrovia Mesolcinesa, è vegnida fatga pronta per ses ultim viadi il mardi avantmezdi.

Autor: 

27.04.2021, 15:34

Parter

Mardi saira a partir da las sis vegn fatg il transport spezial. Per traversar il tunnel dal San Bernardino vegn quel serrà. L’arrivada en il deposit da la viafier retica a Landquart è planisada sin mesemna damaun vers las otg.

Là vegn la locomotiva sanada levet ed ella survegn la colur cotschna da la Viafier retica. La fin da matg duai la locomotiva vegnir transportada, sche pussaivel sin ils binaris, enfin tar il Museum da viafier a Bravuogn. L’avertura è planisada ils 12 e 13 da zercladur. En il museum duai la locomotiva daventar in grotto, quai cun il num «Grotto 491». La locomotiva è vegnida cumprada l’onn 1958 da la Viafier retica. Ella è vegnida nizzegiada exclusivamain en il Mesauc ed en il Tessin.

Bildergalerie überspringen
  • Bild 1 von 14. La locomotiva di adia al Mesauc – e quai per adina. Bildquelle: RTR, Federico Belotti.
    La locomotiva di adia al Mesauc – e quai per adina.
  • Bild 2 von 14. Il fargun da naiv ha stuì vegnir allontanà per chargiar la locomotiva sin il char annex. Bildquelle: RTR, Federico Belotti.
    Il fargun da naiv ha stuì vegnir allontanà per chargiar la locomotiva sin il char annex.
  • Bild 3 von 14. La Ferrovia Mesolcinese na cursescha betg pli dapi il 2016. Bildquelle: RTR, Federico Belotti.
    La Ferrovia Mesolcinese na cursescha betg pli dapi il 2016.
  • Bild 4 von 14. Represchentants dal Museum da viafier Bravuogn ed anteriurs locomotivists da la viafier turistica Ferrovia Mesolcinese. Bildquelle: RTR, Federico Belotti.
    Represchentants dal Museum da viafier Bravuogn ed anteriurs locomotivists da la viafier turistica Ferrovia Mesolcinese.
  • Bild 5 von 14. Ina chista plain bigliets da l'anteriura Ferrovia Mesolcinese. Bildquelle: RTR, Federico Belotti.
    Ina chista plain bigliets da l'anteriura Ferrovia Mesolcinese.
  • Bild 6 von 14. Cun ina suga vegn la locomotiva tratga sin il char annex dal camiun. Bildquelle: RTR, Federico Belotti.
    Cun ina suga vegn la locomotiva tratga sin il char annex dal camiun.
  • Bild 7 von 14. Locomotivas dal medem tip circulavan pli baud era tranter Cuira ed Arosa. Bildquelle: RTR, Federico Belotti.
    Locomotivas dal medem tip circulavan pli baud era tranter Cuira ed Arosa.
  • Bild 8 von 14. Ils davos meters dals binaris da l'anteriura viafier Bellinzona - Mesocco vegnan proximamain dismess. Ina lunga èra va uschia a fin. Bildquelle: RTR, Federico Belotti.
    Ils davos meters dals binaris da l'anteriura viafier Bellinzona - Mesocco vegnan proximamain dismess. Ina lunga èra va uschia a fin.
  • Bild 9 von 14. Pervi da mancanza da binaris tutgan quests viadis tar il passà. Bildquelle: RTR, Federico Belotti.
    Pervi da mancanza da binaris tutgan quests viadis tar il passà.
  • Bild 10 von 14. L'anteriur deposit da viafier vegn ussa vendì ed ils davos vaguns e las davosas locomotivas existentas bandunan il deposit. Bildquelle: RTR, Federico Belotti.
    L'anteriur deposit da viafier vegn ussa vendì ed ils davos vaguns e las davosas locomotivas existentas bandunan il deposit.
  • Bild 11 von 14. L'anteriur deposit da viafier vegn ussa vendì ed ils davos vaguns e las davosas locomotivas existentas bandunan il deposit. Bildquelle: RTR, Federico Belotti.
    L'anteriur deposit da viafier vegn ussa vendì ed ils davos vaguns e las davosas locomotivas existentas bandunan il deposit.
  • Bild 12 von 14. Era il vagun cun ina reclama d'in'anteriura firma da tschigulatta da la val dal Blegn vegn proximamain a bandunar il deposit a Grono. Bildquelle: RTR, Federico Belotti.
    Era il vagun cun ina reclama d'in'anteriura firma da tschigulatta da la val dal Blegn vegn proximamain a bandunar il deposit a Grono.
  • Bild 13 von 14. Quai è l'ultima locomotiva da la Ferrovia Mesolcinese, proximamain va ella a la firma Schindler che produciva pli baud era trens. Bildquelle: RTR, Federico Belotti.
    Quai è l'ultima locomotiva da la Ferrovia Mesolcinese, proximamain va ella a la firma Schindler che produciva pli baud era trens.
  • Bild 14 von 14. L'anteriur deposit da viafier vegn ussa vendì ed ils davos vaguns e las davosas locomotivas existentas bandunan il deposit. Bildquelle: RTR, Federico Belotti.
    L'anteriur deposit da viafier vegn ussa vendì ed ils davos vaguns e las davosas locomotivas existentas bandunan il deposit.
Zurück zum Anfang der Bildergalerie.

Istorgia

Avrir la box Serrar la box

La viafier da Bellinzona – Mesocco è in’anteriura viafier cun in binari stretg d’in meter. La lunghezza da la viafier muntava a 31.3 kilometers. La lingia da viafier è vegnida averta l’onn 1907 da la Società Ferrovia elettrica Bellinzona – Mesocco BM. L’onn 1942 ha la Viafier retica surpiglià la viafier. 1972 è stà a fin cun il transport da persunas. La fin dal traffic da rauba è stà l’onn 2003. Fin l’onn 2013 hai anc dà viadis turistics sin ina lunghezza da 12.7 kilometers. Quels fascheva la Società Esercizio Ferroviario Turistico SEFT, la viafier ha gì num Ferrovia Mesolciniese FM. In project per embellir il spazi d’abitadi da Roveredo ed in project dal traffic public a Castione-Arbedo – han scursanì la lingia il 2014 sin ina lunghezza da 3.9 kilometers tranter Grono e Cama. Il 2016 ha la SEFT sin agen giavisch laschà annullar sia concessiun.

Ord l'archiv

Ils 27 da matg 1972 ha è passà il davos tren cun passagiers tranter Bellinzona e Mesocco.

RTR actualitad 12:00 / 17:00

Artitgels legids il pli savens

Menu

Tschertga

Navigaziun principala

Enquista en Modal

(Vegn avert en ina nova fanestra.)