Legenda:
Il munt da naiv è gist dasperas la staziun da muntogna da la pendiculara Tigignas - Somtgant.
RTR, Federico Belotti
cuntegn
Grischun Central - Ussa ha era Savognin ina «Snow Farm»
En divers lieus vegni gia fatg, ed ussa era en Surses. Conservar la naiv da l’enviern passà – per l’enviern proxim. Sin l’alp Somtgant conservan las Pendicularas da Savognin per l’emprima giada naiv, che vegn duvrada per far il funpark la proxima stagiun d’enviern.
Sco quai ch’il directur tecnic da las Pendicularas da Savognin SA Curdin Baltermia ha ditg, sajan radund 25’000 meters cubic naiv sut ina folia alva – sch’ins chargiass tut quella naiv sin camiuns alura dess quai 2’500 chargias. Las Pendicularas da Savognin quintan che 60 – 80% da la naiv è anc utilisabla l’enviern proxim. La naiv conservada è ina maschaida da naiv tecnica e naiv natirala.
Legenda:
Ina saiv electrica protegia la naiv da visitaders nungiavischads.
RTR, Federico Belotti
