Grischun Central - Rolf Maibach: Impurtanza da l'energia solara a Haiti - Novitads

Grischun Central Rolf Maibach: Impurtanza da l'energia solara a Haiti

Ad in «solar-event» la sonda en l’Arena Grischuna a Cazas ha il medi d’uffants Rolf Maibach referì davart l’impurtanza da l’energia solara en pajais en svilup cun l'exempel Haiti.

Autor: Federico Belotti

17.06.2017, 16:40

audio

Il medi d'uffants Rolf Maibach davart l'energia solara en il spital Albert Schweitzer

ord Actualitad dals 19.06.2017.

laschar ir. Durada: 2 minutas 57 Secundas.

Impurtanza da l'energia solara en il Haiti

La surdada da la fatschenta Hassler Energia ha gì lieu la sonda a Cazas.

Là hai dà differents referats davart l’impurtanza da l’energia solara. Il cusseglier naziunal Martin Candinas ha referì davart la midada sin il sectur da l’energia, ed il medi d’uffants Rolf Maibach ha referì davart l’impurtanza da l’energia solara en pajais en svilup cun l'exempel dal Haiti.

Legenda: Christ Andri Hassler (maletg d'archiv) cun ina glisch cun accu ch'el ha sviluppà per pajais en svilup. RTR, Federico Belotti

Midada tar la Hassler Energia

L’emprim da matg 1985 han Christian Hassler e sia dunna Mary fundà la Hassler Energia alternativa, e manà quella enfin la fin dal 2016. Durant quels 31 onns è l’interpresa sa sviluppada local sco impurtanta firma dad energias regenerablas. Da nov maina Christ Andri Hassler cun sia partenaria Judith e cun il figl Giacun l’interpresa. Christ Andri Hassler ha fatg la scolaziun sco electroinschigner.