Legenda:
Da san: Annina Giovanoli, Maya Albrecht, Gian Rupf, Caroline Fink, Lieni Roffler (Uniun Bergfahrt Festival)
mad
cuntegn
Grischun Central - Nov festival cultural a Bravuogn
Il comité d’organisaziun dal «Bergfahrt Festival» ha preschentà il program dal festival ch’è dals 17 fin ils 19 da zercladur 2016 a Bravuogn. En differents lieus da Bravuogn datti concerts, lecturas ed exposiziuns.
Da la partida al festival èn tranter auter il scrivent Arno Camenisch, il rappunz rumantsch Snook e la chantadura da Jazz Erika Stucki. Organisà vegn il festival da l’uniun «Bergfahrt Festival» che prevesa in budget da radund 400’000 francs.
Al festival duain sa participar radund 100 artistas ed artists. Ils organisaturs quintan cun radund 600 visitaders durant ils trais dis dal festival che porta il titel «Mut – Übermut – Demut».
