Grischun Central - Lieu d'inscunter mobil per la giuventetgna surmirana
Il mobil da giuventetgna da jugend.gr fa il mument staziun a Savognin. Giuvens e giuvnas da 12 enfin 18 onns han ussa durant in mais la pussaivladad da fufragnar las diversas offertas. En meglier cas è il mobil l'entschatta d'ina purschida fixa per la giuventetgna da la val.
1 / 4
Legenda:
Stephan Parpan
Stephan Parpan è il bab e manader dal mobil da giuventetgna.
Tona Poltera
2 / 4
Legenda:
Il mobil da giuventetgna è pront
Il mobil da giuventetgna da jugend.gr è il proxim mais a Savognin.
Tona Poltera
3 / 4
Legenda:
Ils lieus da la turnea dal mobil da giuventetgna
Savognin è il 15avel lieu da 20, ch'il mobil ha visità enfin ussa.
Tona Poltera
4 / 4
Legenda:
La chasetta pronta per vegnir installada
Il mobil da giuventetgna è ina chasetta da camping che vegn transportada cun camiun da lieu a lieu.
Tona Poltera
audio
Mezdi: Mobil da giuventetgna a Savognin
02:57 min, ord Actualitad dals 24.08.2017.
laschar ir. Durada: 2 minutas 57 Secundas.
«Il mobil da giuventetgna duess envidar la giuventetgna, la populaziun e las autoritads communalas per dar ina invista en la lavur da giuventetgna professiunala», resumescha Stephan Parpan l'idea da jugend.gr. Il mobil ch'è ussa il terz onn sin turnea tras il Grischun, è singular en l'entira Svizra.
Gia ussa – suenter 15 da 20 staziuns è la bilantscha tenor ils responsabels fitg positiva. A Zuoz, Val Müstair ed en Stussavgia ha il mobil gì l'effect giavischà, numnadamain dad installar ina purschida fixa per la giuventetgna indigena. «Als giuvens e las giuvnas da 12 enfin 18 onns purschain nus ina plattafurma per vegnir activs per lur basegns» ed uschia sajan els da jugend.gr ils intermediaturs.