Ils moduls dal «Quadrin Event» vegnan transportads cun camiuns en containers da bastiments tar las occurrenzas, per exempel tar cursas da skis mundialas. Pir al lieu vegnan ils moduls installads.
Sco quai che Enrico Uffer, il manader e possessur da la Uffer SA ha ditg, dettia quai gia differents interessents per ils moduls. Quels pon vegnir adattads als giavischs dals clients. Ils moduls datti en differentas grondezzas fin tar duas auzadas.
In roboter surpiglia la lavur manuala
Actualmain vegnan ils emprims moduls fabritgads cun blera lavur manuala. A partir da l’auter onn duain ils moduls vegnir fabritgads d’in roboter, che surpiglia la gronda part da la lavur. Uschia possian ins spargnar custs da persunal, uschia Enrico Uffer. Dasperas il «Quadrin Event» producescha la Uffer SA era en l’avegnir la seria Quadrin Mono, chasinas da lain per vacanzas, e Quadrin modul, nua che plirs moduls vegnan prefabritgads e pir colliads l’in cun l’auter al lieu da destinaziun. Tenor quel sistem è quest onn vegnida fabritgada la Bever Lodge.
-
Bild 1 von 3. Ina tala bar vegni a partir da quest enviern a dar a Savognin tar la staziun da val da la sutgera da quatter. Bildquelle: mad.
-
Bild 2 von 3. Da san: G. Fanzun, architect, E. Uffer, Uffer SA, A. Wirth, Lai Turissem, Patric Vincenz, Uffer SA, M. Hartweg, Arena Biatlon Lantsch. Bildquelle: Federico Belotti.
-
Bild 3 von 3. En Containers da bastiments, vegnan ils moduls transportads a lur destinaziun. Bildquelle: RTR/fb.