Curt avant mezdi han ils miniers da la vart da Preda perfurà la caverna, ch'è vegnida construida gia avant in onn per stabilisar il grip porus en la zona geologica difficultusa, la «Raibler Rauwacke». Cun la perfuraziun da la caverna che sa chatta 1'300 meters dadens il portal dal tunnel è surmuntada la sfida la pli gronda da la construcziun, scriva la Viafier retica. Las lavurs da stabilisar il grip cun in sistem da schelar sajan stadas in success.
-
Bild 1 von 6Legenda: Da Preda fin la caverna han ils miniers fatg oz la perfuraziun. RTR, Federico Belotti -
Bild 2 von 6Legenda: Yvonne Dünser da la Viafier retica surpiglia la sontga Barbara dal manader da la squadra. RTR, Federico Belotti
-
Bild 3 von 6Legenda: Davent da qua vegn siglientà en direcziun da Spinas. RTR, Federico Belotti
-
Bild 4 von 6Legenda: Qua è la zona difficultusa «Raibler Rauwacke» vegnida surmuntada cun agid d'in sistem da schelar. RTR, Federico Belotti
-
Bild 5 von 6Legenda: Grond travasch en la caverna a Preda: Bleras medias e lavurants èn arrivads a l'emprima perfuraziun. RTR, Federico Belotti
-
Bild 6 von 6Legenda: Il stan da la fin d'avust. Viafier retica
Lavurs s'avanzan tenor plan
Gia dapi dus onns vegn lavurà cuntinuadamain vi da la construcziun per il nov tunnel da l'Alvra. Bun la mesadad dal tunnel che vegn ad avair ina lunghezza da 5'860 meters è gia rutta ora. Tenor la Viafier retica s’avanzan las lavurs tenor plan. La perforaziun è planisada per l'atun 2018. Era da la vart da Spinas èn gia vegnids perfurads radund 1.5 kilometers dal grip. Il nov tunnel duess vegnir avert en radund quatter onns. Or dal tunnel vegl vegn fatg in tunnel da segirtad.
RR novitads 06:00