Grischun Central - Concurrenza per vopna da la fusiun Muntogna è lantschada

Per quels che vulan crear in vopna per la vischnanca da la «Muntogna da Schons» datti dentant in pèr reglas:

• Colurs modernas, sco cotschen da vin u colurs fluorescentas na dastg'ins betg duvrar.
• En vopnas na dettia betg la terza dimensiun. La profunditad d'ina chasa, d'in chastè u d'ina muntogna n'è betg giavischada.

Aunc avert esi, co che las novas ideas vegnan preschentadas als vischins da la Muntogna da Schons. Ina varianta è ch'ina cumissiun vegn a far ina selecziun ed il pievel po lura decider ord pliras propostas, manegia Dominik Just, il manader da project da la fusiun Muntogna da Schons. L'autra varianta è che la cumissiun decida sez tge vopna che duai valair. La proposta vegn lura integrà en las contractivas da fusiun.

Votà sur da la fusiun vegn forsa gia la fin da quest onn. Cun quai che la fusiun da las quatter vischnancas Donat, Lohn, Maton e Casti-Vargistagn sa ir en vigur pir l'onn 2021 fetschia la tschertga d'ina nova vopna prescha.

RR actualitad 11:00