Grischun Central - «Challenge rumantsch» – students vulan salvar il rumantsch
Radund 20 studentas e students da la scola politecnica da Turitg ETH e da la scola chantunala da Cuira vulan gidar a salvar il rumantsch. Actualmain èn els en in lavuratori a Riom en il Surses.
«Challenge rumantsch» sa numna il project, che vegn manà tras quest’emna en il Grischun. La ETH vul contribuir al svilup da la cultura rumantscha.
En in’emna intensiva tar Origen a Riom duain vegnir sviluppadas ideas cun il spiert da la ETH. Las meglras ideas vegnan sviluppadas a Turitg e preschentadas al proxim forum mundial d’economia WEF il schaner a Tavau.
