Las plantas ch’èn derschidas surpassian il tagl annual da l’anteriura vischnanca da Bravuogn, ha Fliri ditg plinavant. Derschidas sajan las plantas pervi dals ferms vents la notg da glindesdi sin mardi. Da las 90 hectaras pertutgadas èn tenor infurmaziuns dal revier forestal Alvra 35 hectaras pertutgadas d'in donn total. Dapli che 20'000 meters cubics plantas è per terra.
La mesemna haja quai dà in sgol per pudair sa far in maletg da las consequenzas. In’analisa en detagl stoppia ussa anc vegnir fatga. Per part è pertutgà era guaud da protecziun. Tenor il schef dal revier forestal Alvra Urs Fliri vegnia la primavaira analisà, sch’i dovria mesiras cun rempars da lavinas. Per l’enviern na saja dentant betg da quintar cun problems, cun quai ch’ins possia en tscherts lieus laschar las plantas derschidas per terra enfin la primavaira, uschia ch’ellas possian anc adina tegnair enavos la naiv.
-
Bild 1 von 5Legenda: Era qua èn plantas derschidas, en il conturn dal Cuolm da Latsch. RTR, Federico Belotti -
Bild 2 von 5Legenda: Era qua, al Culm da Latsch sur Bravuogn, èn derschidas diversas plantas pervi dal vent. RTR, Federico Belotti
-
Bild 3 von 5Legenda: Per Urs Fliri, il schef da gestiun dal revier forestal Alvra datti ussa bler da far. RTR, Federico Belotti
-
Bild 4 von 5Legenda: Las maschinas èn prontas per rumir. RTR, Federico Belotti
-
Bild 5 von 5Legenda: Sur Latsch è da vesair ch'ina part dal guaud da protecziun è derschì. RTR, Federico Belotti
RR actualitad 06:00