Grischun Central - Avertura dal «iis Paradiis» a Lai
Sin la plazza da sport a Lai è vegnì avert la gievgia saira il paradis da glatsch. Quai è in glatsch da divertiment sin 3'000 meters quadrat cun differentas attracziuns ed ina restauraziun.
Il paradis da glatsch cumpiglia differentas plazzas da glatsch. En in lieu pon ils uffants emprender d'ir cun patinas cun ina sort carussel, sin in auter glatsch pon ins giugar hockey, e datiers da quel èsi pussaivel da trair rudellas. Sin ina ruta circulara èsi pussaivel dad ir cun patinas sur in lung percurs. L’infrastructura è vegnida affittada per 900’000 francs. La vischnanca da Vaz dat ina garanzia da deficit da 400’000 francs.
