Grischun Central - Arena da biatlon testescha nova maschina da far naiv
En in test da pilot examinescha l’arena da biatlon a Lantsch ina nova maschina da far naiv artifiziala. Cun quella èsi pussaivel da producir naiv era tar temperaturas sur nulla grads.
Legenda:
Silvio Baselgia il manader da l'arena da biatlon (san.) e Michael Wieser, da la firma Technoalpin.
RTR, F. Belotti
Producida vegn la naiv artifiziala en containers, nua che la naiv vegn silsuenter sufflà ora en il liber. Cun ina tecnica da sfradentar vegn aua sfradentada giu fin che quella è schelada. Producids vegnan pitschnas plattinas da glatsch, quai or d’aua e senza chemia. A partir da l’entschatta da november vegn la naiv producida repartida sin in percurs da 1.5 fin 2 kilometers tar l’arena da biatlon. Sch’il test da pilot sa cumprova, vul l’arena da biatlon installar in indrizs stabel da producir naiv artifiziala.
