Legenda:
L'emprima badigliada da la nova praschun è stada il zercladur da l'onn passà.
Visualisaziun: mad
cuntegn
Grischun Central - 80 plazzas per praschun nova a Cazas
L’Uffizi per l’execuziun giudiziala dal Grischun ha publitgà ina broschura cun tut las plazzas ch’i vegn a dar en il stabiliment giudizial serrà Realta en circa trais onns. Interessents pon gia ussa s’annunziar.
Legenda:
Mathias Fässler en ses biro a Cuira.
RTR, F. Belotti
Actualmain lavuran circa 30 persunas en il Sennhof a Cuira. En la nova praschun a Cazas, che vegn averta la fin dal 2019 u l’entschatta dal 2020, dovra quai passa 110 persunas. Sco quai che Mathias Fässler, il directur da l’Uffizi per l’execuziun giudiziala ha ditg, saja quai ina gronda sfida d'occupar tuttas plazzas. Ils resuns dal persunal actual al Sennhof sajan fitg positivs, tuts hajan ditg d'era vulair lavurar en il nov lieu a Cazas.
Cun las lavurs da construcziun ins saja en il plan da termins. Mathias Fässler quinta, che las plazzas pon vegnir scrittas or definitivamain vers l’atun 2018 u la primavaira 2019.
