Filisur - Nov Museum Svizzer da transports «light»

Sco quai che Hans-Jakob Schutz (74), il possessur dal char conductur 1711 ha ditg, saja stà in grond giavisch da posseder ina giada in tal char. El saja adina stà fascinà da trens. Cun esser creschì si a Filisur saja el adina puspè vegnì en contact cun trens. Gia sco uffant saja el adina stà a la staziun per guardar ils trens che passavan.

La Viafier retica ha mess ussa en il fier vegl ils trens pendularis dals onns 70. Avant cursavan quels per il pli tranter Tusaun – Cuira e Schiers/Aschera. Il char conductur 1711 po n'è però betg vegnì en il fier vegl, mabain po vegnir contemplà a Filisur.

Cun duas e pliras rodas – tut è preschent

Concurrenza per il Museum Svizzer da transports da Lucerna

Gist dasperas datti en in grond magasin da vesair blers vehichels da pli baud. Sco quai che l’iniziant Adrien Elmiger ha ditg, saja el stà gia da ditg sin la tschertga d’ina tala halla. Ed ussa haja el chattà ina. Filisur saja fitg adattà, uschia ch'el po era ir ad aut cun ses vehichel. Da vesair en il museum da mobilitad èn divers töfs, autos e velos vegls. Uras d’avertura na datti betg. Sin dumonda pon gruppas però entrar en il museum. L'idea saja era da porscher en l'avegnir turas cun ils differents vehichels.