Sis gallarias cun ina lunghezza d’enfin 30 meters e dapli che 80 furns da luar han archeologs e students da l’universitad da Turitg chattà enfin oz en il Surses. Impressiunant saja surtut l’autezza nua ch’i vegniva lavurà: Enfin sin 2500 meters sur mar hajan ins chattà fastizs da las explotaziuns, ha ditg Rouven Turck, collavuratur scientific da l’universitad da Turitg.
Anfang Bildergalerie
Bildergalerie überspringen
-
Bild 1 von 5. Da san.: Carlo Nüssli, student d'archeologia, Rouven Turck, collavuratur scientific universitad da Turitg, Joëlle Jäger, studenta d'archeologia. Bildquelle: RTR, Federico Belotti.
-
Bild 2 von 5. En questa galaria che vegn explotada il mument sur Marmorera, è da vesair il malachit ch'ha ina colur blaua. Bildquelle: RTR, Federico Belotti.
-
Bild 3 von 5. Rouven Turck da l'universitad da Turitg en la gallaria dad 8 meters lunghezza sur Marmorera. Bildquelle: RTR, Federico Belotti.
-
Bild 4 von 5. Rouven Turck, collavuratur scientific da l'universitad da Turitg maina ils camps dals students d'archeologia che vegnan mintga stad en il Surses a far lur perscrutaziuns. Bildquelle: RTR, Federico Belotti.
-
Bild 5 von 5. Là nua che la terra è cotschna (da vesair davent dal lai da Marmorera) èn anc da vesair bain ils fastezs nua ch'i vegniva gudagnà arom or dal grip. Bildquelle: RTR, Federico Belotti.
Ende der Bildergalerie
Zurück zum Anfang der Bildergalerie.
Ussa èsi cler: Las scuvertas han ina vegliadetgna d’enfin 3000 onns, quai mussan provas ch’èn vegnidas fatgas da las restanzas dals charvuns. Ils furns e las gallarias en il Surses valan sco las pli veglias scuvertas da la metallurgia Svizra.
RR actualitad 12:00