Pius Giger da Paspels è il nov president da la vischnanca da Tumleastga. El è vegnì elegì durant il segund scrutini, ch'è stà oz cun 405 vuschs da las totalmain 903 vuschs valaivlas. Giger succeda uschia a Werner Natter ch'è stà 13 onn en uffizi. Ils resultads dals cuntracandidats:
- Giger Pius 405
- Samuel Wahlen 272
- Ursula Tscharner-Bernold 177
- Othmar Caviezel 49
Cunquai che nagin dals candidats n'ha cuntanschì il pli absolut durant l'emprim scrutini la fin da settember, è in segund stà necessari.
