-
Bild 1 von 7. Intginas scolararas e scolars da la scola primara da Donat cun lur scolastas Giulia Riedhauser (dal maun sanester) e Bettina Nicca. Bildquelle: RTR, Federico Belotti.
-
Bild 2 von 7. Las scolaras ed ils scolars da l'emprima classa fan buns giavischs per l'avegnir. Bildquelle: RTR, Federico Belotti.
-
Bild 3 von 7. Durant lur vacanzas han ils uffants rimnà craps. Bildquelle: RTR, Federico Belotti.
-
Bild 4 von 7. La scolasta Gierina Michael cun ses uffants da l'emprima e segiunda classa. Bildquelle: RTR, Federico Belotti.
-
Bild 5 von 7. Betg mo ils uffants èn gnervus: Er tar ils geniturs è la tenisun gronda durant l'emprim di da scola da lur figls e figlias. Bildquelle: RTR, Federico Belotti.
-
Bild 6 von 7. La scolasta Gierina Michael è pronta per l'emprim di da scola. Bildquelle: RTR, Federico Belotti.
-
Bild 7 von 7. La scola da Donat sa sveglia ord la sien. Bildquelle: RTR, Federico Belotti.
Pervi da las restricziuns en connex cun il coronavirus ha la scola supplitgà ils geniturs da na betg vegnir en scola. In’excepziun hai dà per ils geniturs cun ils uffants da l’emprima e da la segunda classa. Els èn vegnids beneventads da la scolasta Gierina Michael sin la plazza da scola. Là èn ils scolars sa preschentads ed han purtà craps ch’els han rimnà durant lur vacanzas da stad. Suenter buns giavischs han els entschet cun l’emprima lecziun.
Geniturs èn cuntents
Ils geniturs ch’èn vegnids en scola han ditg ch’i saja bel ch’els hajan pudì vegnir sin plazza da scola malgrà il coronavirus. I saja schon stà impurtant dad accumpagnar ils uffants durant lur emprim di da scola insumma. Blers uffants han ditg ch’els sajan leds che la scola haja puspè entschet, per tscherts èsi gia stà lungurus da star a chasa. Auters puspè èn ids a far fain durant lur vacanzas ed han uschia gì pli pauca lungurella, è sta da sentir sin plazza da scola.