Legenda:
Las restanza d'in dals aviuns en il lieu da crudada datiers da Bivio.
MAD, Polizia chantunala
cuntegn
Crudada d'aviuns a Bivio - Ils dus aviuns pitschens èn collidads
La raschun daco che dus aviuns pitschens eran crudads il zercladur a Bivio è sclerida. Sco il post da Servetsch d'examinaziun d'accidents SUST scriva, sajan l'aviun a motor e l'aviun a vela collidads.
En ses rapport scriva la SUST ch'ils dus aviuns sajan collidads sin in'autezza da 3'200 meters e lura omadus crudads giu datiers dal lieu da collisiun. L'aviun a vela era partì en il chantun Turgovia, quel a motor en il chantun Neuchâtel. Tuttas tschintg persunas a bord eran mortas: 3 umens, ina dunna e ses figl da 6 onns. L'accident è capità ils 12 da zercladur.
