-
Bild 1 von 4. Urs Müller ha visità ses bab ch'ha 91 onns, quai ensemen cun sia dunna. Bildquelle: RTR, Federico Belotti.
-
Bild 2 von 4. Markus Pieren, il manader da la chasa da vegls e da tgira Parc a Lai. Bildquelle: RTR, Federico Belotti.
-
Bild 3 von 4. La boxa da visitas è atgnamain in simpel container da plazzal che vegn normalmain duvrà per cursas da skis. Bildquelle: RTR, Federico Belotti.
-
Bild 4 von 4. Il Center da vegls e tgira Parc a Lai. Bildquelle: RTR, Federico Beloti.
La boxa da visita è in simpel container da plazzal, che vegn normalmain duvrà per cursas da skis. Il container è plazzà vi dal mir da la chasa da vegls, gist vi dad ina fanestra. Uschia pon ils cussadents da la chasa da tgira star endadens, vesan lur amis e confamigliars tras la fanestra da la chasa da vegls e la fanestra dal container. Communitgà vegn cun in telefon cun autpledader.
Ina purschida che vegn stimada
A Lai è la boxa vegnida installada il venderdi Pasca, e las reacziuns enfin oz sajan senza excepziun positivas, ha ditg Markus Pieren, il manader da la chasa da vegls tgira Parc a Lai. En media visitian duas fin trais persunas a di la boxa da visita, durant las fins d’emna saja quella en general occupada durant l’entir di tranter las diesch e las tschintg. La boxa duai restar davant chasa da tgira almain enfin ils otg da zercladur, ha ditg Markus Pieren.
Ils 23 d'avrigl aveva la regenza grischuna fatg a savair che visitas per persunas en chasas d'attempads e da vegls duain puspè daventar pussaivlas. Dapi ils 27 d'avrigl pon ins far visitas, dentant be sut cundiziuns fitg strictas.