Cun arder rument restan enavos luadiras. A Realta Sut è oz stada l’emprima badigliada per ina nova deponia per ils proxims 30 – 35 onns. Sur questa durada gudogna la vischnanca da Cazas 4,5 milliuns francs. La nova deponia è vegnida necessaria perquai che la deponia veglia è plaina. Quella è gia vegnida renaturada.
Sco quai che Jürg Kappeler, il president dal cussegl d’administraziun da la Corporaziun da vischnancas per l’allontanament da rument en il Grischun GEVAG ha ditg envers RTR, saja il lieu nov fitg adattà, ed ins saja led da pudair porscher ina contribuziun impurtanta per l’economisaziun da rument durabla e favuraivla a l’ambient. Grazia la nova deponia na saja ussa era betg pli necessari dad exportar luadiras en l’avegnir. La nova deponia da luadiras vegn ussa construida e sigillada e duess vegnir averta l’atun da l’auter onn. Ella porscha plaz a prest 300’000 meters cubic material.
![Grond engaschi a l'emprima badigliada da mardi.](https://www.rtr.ch/static/cms/images/960w/765866.jpg)