Surses - Archeologs han chattà in champ roman ch'è pli che 2'000 onns vegl

Armas, parts dad armaziun, guttas da calzers ubain muniziun per schlingias: Radund 600 objects han las archeologas ed archeologs chavà or las ultimas trais emnas. Il champ militar saja stà protegì d'in rempar ed haja gì trais foss. Tenor ils archeologs saja il lieu dal champ stà adattà per controllar las valladas ed ils pass en la regiun.

Sin ils fastitgs dals Romans

Durant las ultimas trais emnas èn archeologs, studentas e students e gidanters stads a la tschertga dals stgazis Romans en il Grischun Central. In dals capos da questa missiun è stà il professer da archeologia a l'Universitad da Basilea, Peter Schwarz. El è sa mova dapi 40 onns en il mund archeologic. La scuverta ch'i han fatg sin 2'200 meters sur mar descriva el sco fascinanta.

Els quintan che var 100-200 schuldads romans èn stà staziunà en quest lieu. Quant ditg è dentant grev da dir. I pudess esser in pèr emnas u mais.

Impressiuns da las lavurs

Da la partida a las scuvertas èn er studentas e students da l'universitad da Basilea stà. Per blers dad els èsi stà l'emprima giada ch'els han pudì far part d'in tal project. Ensemen cun il professur Peter Schwarz ed auters experts han els analisà e fatg protocol da las scuvertas.