A Brinzauls para il tunnel cun in bischen da drenascha d'avair in effect sin la bova. Spezialmain en il territori dal vitg, saja il tempo sa calmà fermamain. Là sa mova il terren anc per 1,25 meters ad onn, scriva la vischnanca en ses rapport mensil. I vegn supponì che quai saja in effect da la gallaria da sondar sutteran. Er en il vest giaja il tempo enavos. Insumma sa movia la zona enturn il tunnel per 40% pli plaun ch'avant.
La «insla» en il focus
Pli svelt sa mova dentant la part insla che sa chatta sur il vitg. Suenter la plievgia dals 6 ed ils 19 d'avust ed ils 7 e 9 da settember è questa part glischnada per in curt temp prest 10 centimeters a di. Il servetsch da preavertiment è il mument vid sclerir sche u co il dispositiv da segirezza po vegnir meglierà. La segirtad dal vitg haja adina emprima prioritad, uschia il president communal Daniel Albertin.
Or da l'archiv:
