In che scriva regularmain texts en Sutsilvan, è Bartolome Tscharner (74) da Savognin, ch’è creschì si en Sutselva. Atgnamain vuleva el suenter ch’el ha chalà da dar scola giudair sia pensiun. El saja però vegnì dumandà – da lez temp anc da l’Agentura da Novitads Rumantscha ANR – sch’el na veglia betg scriver da la Sutselva. El ha atgnamain vulì scriver be per in mez onn. Ed ussa scrivia el anc adina, perquai che las schurnalistas e schurnalists mancan en la Sutselva.
Sco quai ch’el ha ditg, saja impurtant ch’i vegnia scrit en rumantsch, e quai en tut ils idioms. Il pled scrit saja da grond’impurtanza per mantegnair ina lingua, uschia Tscharner. Ses texts ch’el scriva per la Fundaziun da medias Rumantscha FMR, cumparan regularmain en la Quotidiana, quai mintgamai la gievgia.