Dal 1985 han las Ovras electricas Rain posteriur SA planisà en las val laterala d'Avras da construir in'ovra d'accumulaziun a pumpa. 13 onns pli tard è il project vegnì sepulì. Il Cussegl federal aveva mess la palì sut protecziun naziunala e la rentabilitad da l'ovra n'era betg pli garantida.
Documents originals e perditgas che raquintan
L'exposiziun «Gegen den Strom. Die verhinderte Flutung des Val Madris» da Ina Boesch e Chantal Romani preschenta a maun da documents originals la resistenza da blers onns cunter il project gigantic e mussa sequenzas da film cun regurdientschas da persunas da quella giada. L'exposiziun en il Nüwa Hus ad Avras Platta è averta davent da sonda ils 8 da fanadur enfin ils 19 d'avust. Ella è averta durant set dis a l'emna, durant 24 uras.
