Cun la collavuraziun duain vegnir nizzegiadas sinergias e per ils medis muntia la collavuraziun dapli flexibilitad, vegn cità il directur da l'ospital Tusaun Reto Keller. Martin Cantieni, il president da la fundaziun Spada agiunta, ch’el saja led, ch’ins haja chattà cun il spital da Tusaun in gestiunari professiunal che garanteschia in manaschi durabel da la nova pratica da medis.
La media actuala resta
Manada vegn la nova pratica da la media Pia Schnyder. Ella è gia oz media da chasa ad Andeer. Cun l’avertura il schaner da l’auter onn duai era avrir in center da la Spitex. En la chasa Spada datti plinavant abitaziuns per seniors. Gist dasperas il center Spada sa chatta la chasa da tgira Glienda e la chasa da vegls Colani.
RTR actualitad 11:00