Cun Corona haja el cumenzà da currer distanzas pli lungas. Atgnamain saja ses sport il ballape, dentant cun currer haja el chattà er il plaschair dad adina currer distanzas pli lungas. Uschia saja er stà cler d'empruvar ina giada ina cursa sco il Swiss Iron Trail.
Sia finamira saja per ils 44 kilometers in temp tranter sis e set uras. Cler saja quai per el in avantatg d'enconuscher il traget – el saja er schon currì la cursa en duas etappas da trenament. Specialmain sa legra il giuven da Salouf er sin il sustegn sper via e da speranza vegnir saun e frestg en l'arrivada sonda suentermezdi.
