Hans Peter Risch daventa nov secretari dal Departament da giustia, segirezza e sanadad. La regenza ha nominà el oz. El succeda a Nicola Katharina Kull, che surpiglia ina nova sfida professiunala.
Hans Peter Risch ha 54 onns ed è creschì si a Haldenstein. Là era el tranter 1995 e 2001 en la suprastanza communala. Enfin uss ha el lavurà sco collavuratur giuridic e sco manader dal servetsch giuridic tar il Departament da giustia, segirezza e sanadad. Sco secretari da departament sustegna el il schef dal departament, Peter Peyer.