Il viadi cumenza la sonda en damaun en la «Fontauna Gamella» a Flerden – la suletta butia da la Mantogna. Dapi var 25 onns datti en la veglia scola da Flerden questa purschida. Sper ina butia cun il pli impurtant per il mintgadi datti er in pitschen restaurant – u plitost in café.
-
Bild 1 von 3Legenda: Il vegl edifizi da scola da Flerden nua che la butia ed il café Fontauna Gemella sa chattan. RTR, Lucia Parolini -
Bild 2 von 3Legenda: RTR, Lucia Parolini
-
Bild 3 von 3Legenda: Vitg da Flerden RTR, Lucia Parolini
Mo in restaurant sin tut la Mantogna: Cler che quai haja in'influenza, manegia Amina Horber. La studenta lavura en la Fontauna Gamella. Sch'ella vul dentant sa scuntrar cun collegas, spetga adina sco emprim in viadi da 20 minutas fin giu Tusaun – u schizunt fin a Cuira.
En direcziun Glaspass
Da Flerden va l'auto da posta vers ensi, en direcziun Glaspass. Cun ir si da la via pon ins vesair, ch'i dat anc in u l'auter bain puril sin la spunda.
Arrivà sisum il Glaspass è la plazza da parcar gia plaina. Surtut turistas e turists nizzegian questa sonda la pussaivladad da far in viadi dal di.
-
Bild 1 von 4Legenda: Il parcadi sin il Glaspass. RTR, Lucia Parolini
-
Bild 2 von 4Legenda: Las grusaidas sisum Tavellas / il Glaspass RTR, Lucia Parolini
-
Bild 3 von 4Legenda: Ina chasa sisum Tavellas / Glaspass. RTR, Lucia Parolini
-
Bild 4 von 4Legenda: Tschappina RTR, Lucia Parolini
Fertant che l'auto da posta passa puspè giu vers la val, vegni pli quiet. Quella quietezza saja la finala er ina part da Mantogna, dian differentas persunas da Flerden fin sin il Glaspass.
Tge ha il «Lai da las strias» propi da far cun strias? U savevas ch'i dat en la Val di Campo in lai ch'exista be la primavaira e nua ch'i vegn schizunt sfunsà? Tals lieus spezials ma pli pauc enconuschents datti blers en il Grischun.
RTR scuvra intgins questa stad. Qua datti la survista da tut las istorgias.