La regenza promova la purschida da furmaziun supplementara en il sectur da la transfurmaziun digitala a la Scola auta spezialisada dal Grischun. Quai communitgescha il chantun. Per quest intent ha ella concedì ina contribuziun chantunala da maximalmain 990'000 francs per manar e sviluppar vinavant il program.
Ils custs totals per realisar 22 studis da certificat èn budgetads cun passa trais milliuns francs. La finamira saja da scolar vinavant persunas che lavuran a moda nunbirocratica ed orientada a la pratica.
