En il guaud grischun han stemprads terrà l'onn passà bunamain duas giadas tanta laina sco il 2022, en tut 50'000 meters cubic. Ils donns chaschunads dal bau-scorsa èn dentant sa reducids per 40% tenor l'Uffizi da guaud e privels da natira.
La tgira dal guaud è restada constanta. Manaschis ed interpresas forestalas publicas han tgirà bun 3'500 hectaras guaud – 1,6% da la surfatscha totala. En il center stattan la tgira guaud da protecziun sco er il mantegniment da la biodiversitad. Omisdus aspects èn impurtants per ch'il guaud è pli resistent cunter privels natirals.
